Annotatsiya
Maqolada bolalarda o‘tkirosti sklerozlovchi panensefalitning
(SSPE) dastlabki nevrologik namoyon bo‘lish xususiyatlari yoritilgan. SSPE
markaziy nerv tizimining kam uchraydigan, progressiv degenerativ kasalligi
bo‘lib, qizamiq virusining persistensiyasi bilan bog‘liq. Tadqiqotda Toshkent
davlat tibbiyot universiteti ko‘p tarmoqli klinikasining bolalar nevrologiyasi
bo‘limida davolangan 3 yoshdan 8 yoshgacha bo‘lgan 11 nafar bolaning klinik va
anamnestik ma’lumotlari tahlil qilindi. Bemorlarning aksariyatida qizamiq
kasalligi erta yoshda kuzatilgani aniqlandi. Kasallikning boshlanishida xulq-atvor
o‘zgarishlari, kognitiv buzilishlar, nutq nuqsonlari hamda emotsional buzilishlar
ustunlik qilganligi sababli erta tashxis qo‘yish qiyin bo‘lgan. Ota-onalar ushbu
belgilarni yoshga xos holat deb hisoblab, uzoq vaqt davomida shifokorga murojaat
qilmaganlari qayd etildi. Tashxisni tasdiqlash uchun serologik usullar, EEG va
bosh miya MRT tekshiruvlari qo‘llanildi. Tadqiqotda SSPEning nevrologik
belgilarini erta aniqlash va laborator tasdiqlashning o‘z vaqtida davolash hamda
bemorlar hayot sifatini yaxshilashdagi ahamiyati ta’kidlangan.
